სფეისფარმსის იდეის უკან ახალგაზრდა მეწარმე, ტუსა ღარიბაშვილი დგას, რომელმაც შეძლო, საქართველოში მეურნეობა ახალ საფეხურზე გადაეყვანა.

პირველი ვერტიკალური ფერმა, რომელიც ექსკლუზიურად აჭარა ჯგუფისთვის შეიქმნა, სასტუმრო “სტამბის” ტერიტორიაზეა განთავსებული და ჯანსაღი მიკრომწვანილითა და ფოთლოვანი მცენარეებით უწყვეტად ამარაგებს ყველა აჭარა ჯგუფის რესტორანს. ამასთან, სფეისფარმსი გარემოზე ზრუნვითაც არის დაკავებული: საგრძნობლად ამცირებს ნახშირბადის წარმოქმნას და საზიანო ნარჩენს თითქმის არ ტოვებს.

Ჩვენ გვჯერა, რომ შეგვიძლია თბილისის მოსახლეობის ცხოვრების ხარისხის გაუმჯობესება, მათთვის ეკოლოგიურად სუფთა, ადგილობრივად მოყვანილი, საკვები პროდუქტის შეთავაზებით.

Წარმოგიდგენთ სფეისფარმის ახალ პროექტს – სფეისფარმს სფოთს. სფოთის პირველი პროტოტიპი 2 კვ.მ.-ს იკავებს და რეგულარულად, მთელი წლის განმავლობაში 15-20 კგ. მოსავალი მოჰყავს პესტიციდებისა და ჰერბიციდების გარეშე, ადამიანის მინიმალური ჩართულობითა და ნაკლები დანახარჯებით. 

სფოთები განსაკუთრებით სასარგებლოა ჰორეკა ინდუსტრიისთვის. სფოთები იძლევა შესაძლებლობას რომ მთელი წლის განმავლობაში მოამარაგოს რესტორნები  ცოცხალი, ჯანსაღი და სასარგებლო მიკრომწვანილებითა და ფოთლოვანი მცენარეებით, რომლებიც გამორჩეულ კულინარიულ გამოცდილებებს ქმნიან. სწორედ ამ მიზნით, მოდულარული ფერმის შეძენის ნებისმიერ მსურველს სფეისფარმსი სთავაზობს სრულ ტექნიკურ უზრუნველყოფას და საკონსულტაციო სერვისების ფართო არჩევანს.

ტუსას სურდა, რომ საქართველოში მეურნეობის ტრადიციები შეეცვალა. საკუთარი ხედვები მან თემურ უგულავას, “აჭარა ჯგუფის” სულისჩამდგმელს გაუზიარა და მისი ხელშეწყობითა და მხარდაჭერით, სფეისფარმსი რეალობად აქცია. დროის სვლასთან ერთად, ვერტიკალური ფერმა თბილისის ურბანული ცხოვრების განუყოფელი ნაწილი გახდა და შეცვალა მიკრომწვანილისა და ფოთლოვანი მცენარეების მოყვანისა და მოხმარების მეთოდი.